اعــرف قصـه ملكه

ملكة جرجس زكي من قرية صغيرة في بني سويف، زوجة وأم لإتنين، رفضت تقعد في بيتها وتستنى الدخل الضئيل اللي بيدخل لجوزها من الزراعة. في ٢٠٠٤ ابتدت تتاجر في الطيور والدواجن الحية، في محاولة منها لإنها تساعد في مصاريف البيت والمعيشة.

كانت بتدور على جهات مختلفة توفر لها قرض، بس بعد شهور من التدوير أصابها إحباط شديد لأن الجهات كانت بتطلب منها أوراق رسمية تثبت إن عندها مشروع. بس إزاي ممكن ست زيها بتبيع طيور ودواجن من بيتها في القرية يبقى عندها أوراق رسمية؟ وكمان كانوا عايزينها تجيب ضامن مالي للقرض. وعلى كلامها، "ما بقاش في حد دلوقتي بيضمن حتى أخوه.